நண்பர்களைத் தேடி

அடிக்கடி என்னைத் தேடி

வருவார்கள்  நண்பர்கள் .

வரும்போதெல்லாம்

அவர் வீட்டிலில்லை

என்ற பதில்

மனைவியிடமிருந்து  வரும்.

ஏமாற்றத்துடன் திரும்பினோம்

பதில் வரும் நண்பர்களிடமிருந்து .

நாங்கள் வரும்போதெல்லாம்

நீ ஏன் இருப்பதில்லை வீட்டில்?

எங்கு சுற்றித் திரிகிறாய் ?

கோபம் தாங்கிய கேள்விகள்

மீண்டும் வரும்

நண்பர்களிடமிருந்து

என்னை என்ன செய்ய சொல்கிறீர்கள்

என்னைத் தேடி

நீங்கள் வரும் வேளையில்

வெளியில் சுற்றித் திரிகிறேன் நான் -

என்  நண்பர்களைத் தேடி ...